Drottning kaffikvarna er mætt aftur til okkar í Kaffibrugghúsið.
Þessi er lífstíðareign.
Comandante eru handkvarnir og framleiddar af feðgum í Munic í Þýskalandi. Hnífarnir eru gerðir úr NITRO hertu stáli og mun endast mannsæfi og jafnvel enn lengur.
Kvörnin er með legum í sveifinni og því er ekkert mál að snúa henni þegar kaffibaunirnar eru malaðar. Ekkert puð við að mala!
Þessa kvörn er hægt að nota í allt frá Espresso yfir í pressukönnu. Það er auðvelt að flakka á milli stillinga þar sem kvörnin notast við "klikk" kerfi. Það þarf bara að muna að skrá hversu mörg "klikk" við færum í átt að fínni mölun eða grófari mölun og svo er bara að smakka til og njóta.
Magnaður félagi, heima sem og á ferðalaginu sem hjálpar klárlega til við að halda geðheilsunni í standi.
Í kassanum er að finna:
1 x kvörn
1 x sveif með hnúð og loki
2 x krukkur, ein glær og ein reyklituð
1 x lok á krukku
